അമല മെഡിക്കൽ കോളേജിൽ അപൂർവ അടിയന്തര സ്പൈനൽ ശസ്ത്രക്രിയ: യുവതിയെ പക്ഷാഘാതത്തിൽ നിന്ന് രക്ഷപ്പെടുത്തി

തൃശൂരിലെ 30 വയസ്സുകാരിയായ യുവതി, കഴുത്തിലെ സ്പൈനൽ കോർഡിനെ ചുറ്റിപ്പറ്റിയ സംരക്ഷണ പാളികളിൽ രക്തസ്രാവം (spontaneous cervical spinal subdural hematoma) ഉണ്ടായതിനെ തുടർന്ന്, കൈകാലുകളിലും വേഗത്തിൽ ശക്തി നഷ്ടപ്പെടുകയായിരുന്നു. അമല മെഡിക്കൽ കോളേജ് ആശുപത്രിയിൽ അടിയന്തര ശസ്ത്രക്രിയ നടത്തി, അവരെ പക്ഷാഘാതത്തിൽ നിന്ന് രക്ഷപ്പെടുത്തി.എം.ആർ.ഐ. പരിശോധനയിൽ, C3 മുതൽ C5 വരെ സ്പൈനൽ കോർഡിൽ രക്തസ്രാ വം ഉണ്ടെന്ന് കണ്ടെത്തി. സാധാരണ spinal epidural hematoma (സ്പൈനൽ കോർഡിന് പുറത്തുള്ള രക്തസ്രാവം) കൂടുതലായി കാണപ്പെടുന്നുവെങ്കിലും, spinal subdural hematoma (സ്പൈനൽ കോർഡിന്റെ സംരക്ഷണ പാളികളിൽ ഉള്ള രക്തസ്രാവം) അത്യപൂർവവും അപകടകരവുമാണ്.

ത്വരിതമായ ചികിത്സ ലഭിക്കാത്ത പക്ഷം, രോഗിക്ക് കൈകാലുകളുടെയും സ്ഥിരമായ പക്ഷാഘാതം, ശ്വാസകോശ പ്രവർത്തന നഷ്ടം, മലമൂത്ര നിയന്ത്രണം നഷ്ടപ്പെടൽ, മരണവും സംഭവിക്കാമായിരുന്നു.രോഗിക്ക് systemic lupus erythematosus (SLE) എന്ന ഓട്ടോഇമ്യൂൺ രോഗം ഉണ്ടായിരുന്നതിനാൽ, രക്തം കട്ടപിടിക്കുന്ന പ്രശ്നങ്ങളും, autoantibodies മൂലമുള്ള രക്ത അസംഗതികളും ഉണ്ടായിരുന്നു
. ഇതുമൂലം ശസ്ത്രക്രിയാ പദ്ധതി വളരെ സങ്കീർണ്ണമായി.

രോഗിയുടെ നാഡീപ്രവർത്തനം വേഗത്തിൽ മോശമായി. ഇടത് കൈകാലുകളിൽ പൂർണ്ണമായും ചലനം നഷ്ടപ്പെട്ടു, വലതു കൈകാലുകളിലും ശക്തി കുറഞ്ഞു.ന്യൂറോസർജൻ ഡോ. ദിലീപ് രാജശേഖരൻ അടിയന്തര ശസ്ത്രക്രിയ നടത്തി. ശസ്ത്രക്രിയയിൽ subdural hematoma സ്ഥിരീകരിക്കുകയും, സൂക്ഷ്മമായ microsurgical dissection വഴി സ്പൈനൽ കോർഡ് decompress ചെയ്യുകയും ചെയ്തു. രോഗി ഇപ്പോൾ സുഖം പ്രാപിച്ചു ആശുപത്രി വിട്ടു. ശസ്ത്രക്രിയക്ക്  ഡോ. ദിലീപ് രാജശേഖരൻ ന്യൂറോസർജൻ, ജനറൽ മെഡിസിൻ ഡോ. അഭിഷേക്, റേഡിയോളജി ഡോ. ജിജോ ജോസഫ്, അനസ്തീഷ്യ ഡോ. ജൂലി പി. ബേബി, ട്രാൻസ്ഫ്യൂഷൻ മെഡിസിൻ ഡോ. വിനു വിപിൻ, ഹിമറ്റോളജി ഡോ. കെ.ആർ. ജഗൻ, ഇൻറൻസീവ് കെയർ വിഭാഗം എന്നിവരുടെ ഏകോപിതമായ പരിശ്രമം രോഗിയുടെ വിജയകരമായ ചികിത്സക്കും വീണ്ടെടുപ്പിനും നിർണായകമായി.